🇰🇬 Кыргызстан менен Тажикстандын мамлекеттик чек арасында тосмолорду орнотуу иштери башталды.
🔧 Баткен облусундагы Кошмоло Торт-Гүл айыл аймагында чек араны коргоо боюнча иштер башталды. Бул иш-чарага Кыргызстандын Улуттук коопсуздук комитетинин төрагасы Камчыбек Ташиев онлайн форматта катышып, ишти баштоо үчүн старт берди.
👥 Иш-чарага Кыргыз Республикасынын Мамлекеттик чек ара кызматынын директору Абдикарим Алимбаев, чек ара маселелери боюнча атайын өкүл Назырбек Борубаев жана Баткен облусунун президенттин ыйгарым укуктуу өкүлү Айбек Шаменов катышты.
🏕 Чек арадагы иштерди камсыздоо үчүн атайын талаа лагери уюштурулуп, чек арачылар үчүн бардык шарттар түзүлдү жана зарыл техника жеткирилди.
📏 Биринчи этапта 420 чакырымдык кыргыз-тажик чек арасы боюнча тосмолор орнотулат. Бул иштерди жыл аягына чейин бүтүрүү пландалууда.
🤝 Март айында Бишкекте эки өлкөнүн президенттери чек ара боюнча келишимге кол коюшкан.
