🍹 Кыргызстандын өкмөтү жергиликтүү өндүрүшчүлөрдү колдоо максатында табигый суусундуктарды өндүрүүчүлөр үчүн акциздик салыктын ставкаларын төмөндөтүү боюнча токтом кабыл алды.
📊 2025-жылдын 15-майынан тарта күчүнө кире турган бул чара жергиликтүү фермерлерден алынган мөмө-жемиштерден жана кургатылган жемиштерден жасалган компот, шербет, нектар жана морс сыяктуу суусундуктарга тиешелүү.
💸 Акциздик салык 1 сомго чейин төмөндөтүлүп, бул кадам продукциянын өздүк наркын азайтып, ички жана тышкы рыноктордо атаандаштыкка жөндөмдүүлүктү жогорулатууга багытталган.
🤝 Бул документ Мамлекеттик салык кызматы жана Айыл чарба, суу ресурстары жана кайра иштетүү өнөр жай министрлиги менен биргеликте иштелип чыккан жана коомдук талкуулар учурунда Жогорку Кеңештин депутаттарынын жана агрардык бизнес өкүлдөрүнүн пикирлери эске алынган.
📈 Акциздин төмөндөтүлүшү табигый суусундуктарды өндүрүүнүн туруктуу өнүгүүсүнө өбөлгө түзөт жана жергиликтүү фермерлердин продукцияларына суроо-талапты арттырат.
