⛽️ Кыргызстанда бензинди жана дизель майын милдеттүү маркировкалоо системасы ийгиликтүү ишке ашырылды.
📊 Система ишке киргенден бери 4,9 миң тонна күйүүчү май маркаланган, анын 1,3 миң тоннасы дизель, 3,6 миң тоннасы бензин.
💰 2024-жылдын октябрь айынын алгачкы 14 күнүндө бюджетке күйүүчү-майлоочу майларга 219 миллион сом акциздик салык түшкөн, бул 2023-жылдын бүткүл октябрь айындагы кирешелердин жалпы деңгээлине туура келет.
🔍 Республика боюнча маркировкалоо системасы жигердүү ишке ашырылып, Мамлекеттик салык кызматы импортерлор жана өндүрүүчүлөр арасында түшүндүрүү иштерин жүргүзүүдө.
🔬 Системада колдонулган молекулярдык маркер күйүүчү майдын структурасына кирип, аны алып салууга болбойт, бул анын мыйзамдуулугун эффективдүү көзөмөлдөөгө мүмкүндүк берет.
📅 2024-жылдын 1-октябрынан тарта импорттук жана жергиликтүү күйүүчү майларга милдеттүү түрдө маркировкалоо киргизилип, 2025-жылдын 1-январынан тарта маркасы жок күйүүчү майларды жүгүртүүгө тыюу салынат.
🚫 Системанын негизги максаты күйүүчү-майлоочу майлардын мыйзамсыз жүгүртүүсүнө каршы күрөшүү жана салыктын ставкаларын жогорулатпай, күйүүчү майдын сапатын жакшыртуу.
