📰 Бишкекте ден соолук министри Эркин Чечейбаев менен Дүйнөлүк саламаттык сактоо уюмунун Тамекиге каршы күрөшүү боюнча Рамкалык конвенциясынын Билим борборунун өкүлдөрү жолугушту. Жолугушууда адистер TETSiM моделин тааныштырышты, бул аналитикалык курал акциздердин жогорулатылышы тамекинин керектөөсүн азайтып, бюджетке түшүүлөрдү көбөйтөрүн көрсөтөт.
📊 Модель 2024-2027-жылдар аралыгында Кыргызстандагы экономикалык жана социалдык шарттарга ылайыкташтырылган.
🛠️ Билим борборунун миссиясы 9-12-июнь аралыгында Кыргызстанда иштеп, тамеки жана никотин камтыган буюмдарга карата натыйжалуу салык саясатын иштеп чыгууга техникалык жардам көрсөтөт.
📈 Тамеки буюмдарына акциздерди жогорулатуу калктын ден соолугун коргоо боюнча эң натыйжалуу жана илимий далилденген чаралардын бири болуп саналат. Министр Чечейбаев системалуу реформаларга даяр экенин жана бул маселеде эл аралык өнөктөштөрдүн колдоосуна ишенерин белгиледи.
📚 Миссиянын негизги максаттары: саламаттыкка багытталган салык саясатын иштеп чыгууга жардам берүү, улуттук мекемелердин фискалдык чараларды колдонуу мүмкүнчүлүгүн бекемдөө, коомчулуктун маалымдуулугун жогорулатуу жана реформаларга коомдук колдоо көрсөтүү, өлкөнүн кызыкчылыктарын эске алуу менен акциздик саясат боюнча конкреттүү сунуштарды даярдоо.
🚬 Кыргызстанда калктын 22% чылым чеккени аныкталган, бул жүрөк оорулары, инсульт, өнөкөт респиратордук оорулар жана рак сыяктуу жугуштуу эмес оорулардын негизги фактору болуп саналат.
⚠️ Жыл сайын тамеки өлкөдө 6 000ден ашык адамдын өмүрүн алат. Кыргызстанда тамекиге салынган акциз ВОЗ тарабынан сунушталган деңгээлден алыс болуп, чекене баанын 50% кем түзөт, ал эми сунушталган үлүш кеминде 75% болушу керек.
