🔌 Кыргызстанда жайкы мезгилде электр энергиясын керектөө рекорддук деңгээлге жетти.
🌡️ 2025-жылдын 22-июлунда өлкөнүн энергосистемасында суткалык электр энергиясын керектөө 44 миллион 124 миң кВт⋅саатка жетти, бул мурдагы жылдарга салыштырмалуу эң жогорку көрсөткүч болуп саналат.
📈 Өткөн жылдын ушул эле күнүндө суткалык керектөө 36 миллион кВт⋅саат болгон. Бул өсүштүн негизги себептери: ысык аба ырайы, кондиционерлердин жана муздаткыч жабдыктардын көбүрөөк колдонулушу, жыл сайын керектөөчүлөрдүн санынын орточо 30 миңге көбөйүшү, жаңы көп кабаттуу турак жайлар жана өнөр жай объектилеринин ишке кириши.
🔧 ОАО «НЭСК» электр энергиясын ишенимдүү камсыздоо үчүн чараларды көрүп, жогорку жүктөм шарттарында энергосистеманын туруктуу иштешин камсыз кылууда. Ошондой эле, абоненттерди электр энергиясын үнөмдүү пайдаланууга чакырат.
💡 Колдонулбаган тиричилик приборлорун өз убагында өчүрүү жана электр энергиясына этият мамиле кылуу — бул ар бир жарандын туруктуу жана үзгүлтүксүз иштеген энергосистемага кошкон салымы.
