👔 Кыргызстандын Эмгек, социалдык камсыздоо жана миграция министрлиги эмгек рыногунун учурдагы абалы тууралуу маалымат берди.
📊 Республика боюнча жумуш менен камсыздоо кызматтарынын системасында 7410 бош жумуш орундары катталган.
👷♂️ 6164 жумушчу адистиктерге, 1246 кызматтык жана офис адистиктерге вакансиялар бар.
🏫 Кызматтык жана офис адистиктердин арасында эң көп талап кылынгандар: тарбиячылар жана мектеп мугалимдери, медициналык кызматкерлер, менеджерлер, бухгалтерлер, мамлекеттик жана муниципалдык кызматкерлер, юристтер, экономисттер, психологдор жана инженерлер.
🔧 Жумушчу адистиктерге IT-адистер, тигүүчүлөр, механиктер, ширетүүчүлөр, куруучулар, сатуучулар, айдоочулар жана тейлөө тармагындагы кызматкерлер талап кылынат.
🏢 Жумушка орношуу үчүн жарандар жашаган жериндеги мамлекеттик жумуш менен камсыздоо борборлоруна кайрыла алышат, анда адистер ылайыктуу вакансияларды тандоого жардам берип, кесиптик окутуу жана кайра даярдоо программалары боюнча кеңеш беришет.
