🌍 Казанда 14-18-май күндөрү «Россия — Ислам дүйнөсү: KazanForum» аттуу XVI Эл аралык экономикалык форум өтүп жатат. Бул иш-чара Россия менен ислам дүйнөсүндөгү өлкөлөрдүн соода-экономикалык байланышын чыңдоо үчүн мамлекеттик түзүмдөрдүн, бизнес коомчулуктун жана эксперттердин өкүлдөрүн чогултту.
🤝 Кыргыз Республикасынын делегациясын Россиядагы элчи Кубанычбек Боконтаев жетектеп, мамлекеттик органдардын, Соода-өнөр жай палатасынын, ишкер жана маданий чөйрөлөрдүн өкүлдөрүнөн турган топ форумга катышты.
🏞️ Форумдун алкагында делегация «Евразиялык өнөктөштүк» сессиясына катышып, «Экогород Каркыра» аттуу туристтик долбоорду сунуштады. Бул долбоор Россиядан, Борбор Азиядан жана Жакынкы Чыгыштан келген инвесторлордун кызыгуусун жаратты.
🤝 Элчи К.Боконтаев Татарстан Республикасынын президенти Рустам Минниханов менен жолугушуп, эки тараптуу кызматташтыкты кеңейтүү маселелерин, анын ичинде Татарстанда Кыргызстандын Соода Үйүн ачуу мүмкүнчүлүгүн талкуулады. Бул ЕАЭСте кыргыз продукциясын жайылтуунун жаңы каналы болот.
📜 Форумдун алкагында Кыргызстандын Халал индустриясын өнүктүрүү борбору менен Татарстан мусулмандарынын Духовное управление комитетинин ортосунда Халал стандарттарын өз ара таануу боюнча Меморандум жана Бишкек мэриясы менен Казан шаарындагы «МАРТ» Ассоциациясынын ортосунда шаардык инфраструктура жана башкаруу тажрыйбасы боюнча кызматташтыкты өнүктүрүү максатында келишимге кол коюлду.
