💼 Кыргызстандын Финансы министрлиги Дүйнөлүк банк жана Азия инфраструктуралык инвестиция банкы тарабынан каржыланган “Микро-, чакан жана орто ишканаларды шашылыш колдоо” долбоорунун алкагында 8 млрд 874 млн сомдон ашык сумманы пайызсыз кредит катары бөлдү.
📈 2021-жылдын 31-мартынан тартып 2025-жылдын 1-апрелине чейин 11 501 ишкер бул долбоордун колдоосуна ээ болду.
📊 Биринчи категориядагы ишкерлерге, жылдык жүгүртүүсү 8 млн сомго чейин болгон жеке ишкерлерге, 9 548 арыз берүүчүгө 5 млрд 661 млн 275 миң сом берилди.
🏢 Экинчи категориядагы ишкерлерге, жылдык жүгүртүүсү 30 млн сомго чейин болгон жеке ишкерлер жана юридикалык жактарга, 1 953 катышуучуга 3 млрд 213 млн 248 миң сом бөлүндү.
🌍 Программа Кыргызстандын бардык аймагында ишке ашырылып, 2027-жылдын июлуна чейин уланат.
💰 Каржылоо шарттары: пайыздык ставка 0% (пайызсыз), каражатты кайтаруу мөөнөтү 36 айга чейин, жеңилдетилген мөөнөт 3 айга чейин, максималдуу сумма 1-категория үчүн 1 млн сомго чейин, 2-категория үчүн 3 млн сомго чейин.
🚫 Катышуу талаптары: ишмердүүлүк 6 айдан кем эмес жана Кыргыз Республикасынын салык мыйзамдарына шайкештик. Айыл чарбасы бул долбоорго кирбейт.
📈 Долбоор ишкерлердин экономикалык кыйынчылыктарда туруктуулугун бекемдөөгө жана улуттук бизнестин өнүгүүсүн стимулдаштырууга багытталган.
