🇰🇬 Кыргызстандын жарандарынын чет өлкөлөргө жумушка орношуу учурунда алдамчылык учурлары көбөйүүдө.
🚨 Мошенниктер социалдык тармактарда жана мессенджерлерде жаркыраган жарнамаларды түзүп, жогорку айлык акы, кепилденген жумушка орношуу жана тез арада чыгып кетүү мүмкүнчүлүктөрүн убада кылышат.
💸 Бул алдамчылар кызмат көрсөтүүлөрү үчүн алдын ала төлөм талап кылып, акча алгандан кийин изин жашырышат.
🛑 Жарандар акчаларын жоготуп, жумушсуз калуу, жасалма документтер менен депортация болуу, камсыздандыруу жана укуктарын коргоо мүмкүнчүлүгүнөн ажыроо сыяктуу коркунучтарга дуушар болушат.
📄 Министрлик жарандарды белгисиз адамдарга акча жөнөтпөөгө, агенттиктин лицензиясын текшерүүгө жана келишимди кылдат изилдеп, бардык документтердин көчүрмөсүн сактоого чакырат.
🌐 Эгерде Европага, Японияга, БАЭге, Перс булуңунун өлкөлөрүнө жана башка мамлекеттерге жумушка орношуу пландалып жатса, расмий жеке агенттиктерге гана кайрылуу сунушталат. Официалдуу агенттиктердин тизмесин Министрликтин сайтынан табууга болот.
