🌍 Кыргызстан президенти Садыр Жапаров Афганистандын Кунар провинциясында болгон кыйратуучу жер титирөөдөн улам каза болгон адамдардын жакындарына жана өлкөнүн жетекчилигине көңүл айтты.
💔 Афганистандагы жер титирөөнүн натыйжасында 800дөн ашуун адам каза болуп, 3000ден ашууну жаракат алды.
📉 АКШнын Геологиялык кызматынын маалыматы боюнча, 31-августта катталган жер титирөөнүн магнитудасы 6,0 түздү. Эпицентр Джелалабад шаарынан 27 чакырым түндүк-чыгышта, Пакистан менен чек арага жакын жерде жайгашкан.
🏚️ Афганистандын бийлиги Кунар провинциясындагы төрт айыл толугу менен кыйраганын маалымдады, ал эми бир катар айылдар жарым-жартылай жабыркаган.
📡 Жер титирөөдөн жабыркаган аймактарда телекоммуникациялык байланыштар үзгүлтүккө учурап, жардам көрсөтүү иштери кыйынчылыкка учурап жатат.
🚑 Афганистандын Коргоо министрлигинин өзгөчө кырдаалдар тобу жарадарларды эвакуациялоо үчүн чыгыш провинцияларга жөнөтүлдү. Күбөлөрдүн айтымында, урандылардын астында балдар жана улгайган адамдар калып кеткен.
⛰️ Афганистандын чыгышындагы айрым калктуу конуштарга куткаруучулардын жетүүсү тоолуу ландшафттан улам кыйын болууда.
