🌍 Оштун мэриясы жаңы таштанды кайра иштетүүчү заводдун курулушу үчүн капсула салды. Бул долбоор экологиялык коопсуздукту камсыз кылууга жана шаардык инфраструктураны жаңыртууга багытталган.
🔋 Алгачкы этапта күнүнө 850 тонна таштанды кайра иштетип, саатына 30 мВт электр энергиясын өндүрө турган электростанция курулат.
🔥 Андан кийинки этаптарда кыш мезгилинде көп кабаттуу үйлөрдү жана башка керектөөчүлөрдү жылуулук менен камсыздоо үчүн жылуулук энергиясын өндүрүү пландалууда.
☀️ Ошондой эле кубаттуулугу 300 мВт болгон күн электр станциясынын курулушу каралган.
🌱 Оштун аймагында жыл сайын орто эсеп менен 200 миң тонна таштанды пайда болот. Бул таштандылар мурун ачык полигондордо сакталчу, бул атмосфераны булгачу. Жаңы завод заманбап технологиялардын жардамы менен жаратылышка зыянды азайтат.
💰 Долбоордун жалпы инвестиция суммасы 95 миллион долларды түзөт.
