[adrotate_integration id=”2″]
🌐 Чжэнчжоу шаарында (Хэнань провинциясы, Кытай) Шанхай кызматташтык уюмуна мүчө мамлекеттердин башчыларынын кеңешинин жыйынынын алдында ШКУнун өлкөлөрүнүн ММК жана аналитикалык борборлорунун саммити өтүп жатат.
🤝 Саммитти «Синьхуа» агенттиги, Кытайдын коомдук илимдер академиясы жана Хэнань провинциясынын жергиликтүү бийлик органдары уюштурууда.
🗞️ Иш-чарага ШКУга мүчө мамлекеттердин, байкоочу өлкөлөрдүн жана диалог боюнча өнөктөштөрдүн саясий чөйрөлөрүнүн, ММКлардын жана эксперттик түзүмдөрдүн өкүлдөрү катышууда.
🇰🇬 Кыргыз Республикасын саммитте Кыргыз улуттук маалымат агенттиги «Кабар» директору Медербек Шерметалиев өкүлчүлүк кылууда, бул өлкөнүн ШКУнун алкагында маалыматтык чөйрөдөгү практикалык кызматташууну өнүктүрүүгө берилгендигин баса белгилейт.
🌟 Саммиттин девизи: «Шанхай духун өнүктүрүү жана кооз үйдү биргелешип куруу».
📚 Программада ачылыш аземи, пленардык жыйындар, эксперттик форумдар, жаштардын талкуу аянтчалары жана башка тематикалык иш-чаралар каралган.
🌍 Талкуулардын негизги темалары өз ара ишенимди жана өнөктөштүктү өнүктүрүү, биримдикти бекемдөө, туруктуу жана тынч чөйрөнү камсыз кылуу, гүлдөп өнүгүүгө түрткү берүү, цивилизациялык чогуу жашоо моделин түзүү жана адилеттүү дүйнөлүк тартипке көмөктөшүү болду.
