⚡ Кыргызстан Кытай менен гидроэнергетика тармагында байланышты бекемдөөдө.
🌊 Министрлер Кабинетинин Төрагасынын орун басары Бакыт Төрөбаев жетектеген кыргыз делегациясы Кытайдын Хубэй провинциясындагы дүйнөдөгү эң ири ГЭС болгон Үч капчыгай ГЭСинде болду.
🏗️ Делегациянын курамына энергетика министри Таалайбек Ибраев баш болгон негизги ишмерлер жана “Курулуп жаткан электр станцияларынын дирекциясы”, “Электр станциялары” сыяктуу тиешелүү мамлекеттик органдардын өкүлдөрү кирди.
🤝 Сапардын жүрүшүндө гидроэнергетика тармагындагы эки тараптуу кызматташуу маселелери талкууланып, Кытай тарап жаңы ГЭСтерди куруу мүмкүнчүлүгүн карап чыгуу үчүн Кыргызстанга келүүгө чакыруу алды.
🌍 Янцзы дарыясындагы Үч капчыгай ГЭСи жалпы кубаттуулугу 22 250 МВт, дамбанын бийиктиги 185 метр жана узундугу 2,3 км болгон дүйнөдөгү эң кубаттуу ГЭС.
