📚 Бишкек шаарында жергиликтүү өз алдынча башкаруу органдарынын кызматкерлери үчүн окуу иш-чаралары өткөрүлдү.
👥 КР Мамлекеттик салык кызматы башка мамлекеттик органдар менен биргеликте уюштурган тренингге Чүй, Ысык-Көл жана Нарын облустарынан 500дөн ашык жергиликтүү өз алдынча башкаруу органдарынын кызматкерлери катышты.
📊 Мамлекеттик салык кызматынын адистери салык саясатына жана анын аймактарды өнүктүрүүгө тийгизген таасирине басым жасап, салыктык башкаруу жөнүндө кеңири айтып беришти.
💼 Башка мамлекеттик органдардын өкүлдөрү менеджменттин жаңы стандарттарын киргизүү, инвестиция тартуу, суу ресурстарын башкаруу жана заманбап айыл чарба ыкмаларын талкуулашты.
❓ Катышуучулар кызыккан темалар боюнча суроолорду берүүгө жана түшүндүрмө алууга мүмкүнчүлүк алышты.
🔍 Окутуу ЖӨБ органдарынын кызматкерлеринин кесипкөйлүгүн жогорулатууга жана калк менен өз ара аракеттенүүнү жакшыртууга багытталган административдик-аймактык реформанын алкагында өткөрүлүүдө.
🤝 Мындай иш-чаралар профессионалдык көндүмдөрдү өнүктүрүүгө жана бийликке болгон ишенимди бекемдөөгө, туруктуу жергиликтүү жамааттарды түзүү үчүн шарттарды түзүүгө өбөлгө түзөт.
🌍 Келечекте мындай окуу иш-чараларын өлкөнүн башка аймактарында да өткөрүү пландалууда.
