🇰🇬 Кыргыз Республикасынын мамлекеттик катчысы Марат Иманкулов бүгүн, 4-июлда, Шэньян шаарында (Кытай Эл Республикасы) өткөн ШОСтун элдик дипломатия жана бир тууган шаарлар форумунда “Эл достугун бекемдөө, туруктуу өнүгүүнү илгерилетүү” деген темада программалык сөз сүйлөдү.
🤝 ШОСко мүчө мамлекеттердин өкүлдөрү, шаарлардын, аймактардын жетекчилери, коомдук жана илимий чөйрөлөрдүн өкүлдөрү гуманитардык жана муниципалдык чөйрөдөгү кызматташтыкты талкуулоо үчүн чогулушту.
🌏 Дүйнөдө диалог, өз ара түшүнүшүү жана кызматташтык жетишсиз. Элдик дипломатия заманбап чакырыктарга жооп берүүдө маанилүү роль ойнойт. Шанхай кызматташтык уюму өз ара ишенимге, пайдага, тең укуктуулукка жана биргелешкен өнүгүүгө негизделген эл аралык мамилелердин моделин көрсөтүүдө.
🇰🇬🇨🇳 Кыргыз-кытай өз ара аракеттенүүсүнүн оң динамикасы байкалууда. Кыргыз Республикасынын Президенти Садыр Жапаровдун Кытайга мамлекеттик сапарынын жыйынтыгы боюнча комплекстүү стратегиялык өнөктөштүк орнотулуп, кызматташтыкты тереңдетүү боюнча биргелешкен декларация жана бир катар мамлекеттер аралык макулдашууларга кол коюлду.
🏙️ Эки өлкөнүн ортосунда 35тен ашык бир тууган шаарлар активдүү кызматташууда. Кыргыз Республикасы 2026-жылы ШОСко төрагалык кылуу учурунда ШОСко мүчө мамлекеттердин аймак башчыларынын форумун өткөрүүнү пландап жатат, ал санариптештирүү, туруктуу өнүгүү жана инвестициялык жагымдуулукту жогорулатуу боюнча чечимдерди иштеп чыгуу аянтчасы болот.
💻 Электрондук соода жана санариптик кызматташтыкты өнүктүрүүгө өзгөчө көңүл бурулду. Бул чөйрөдөгү кызматташтыкты бекемдөө максатында Кыргызстан ШОСтун Жаштар санариптик форумун өткөрүүнү пландоодо.
🌟 Элдик дипломатия – бул маданий диалог гана эмес, мамлекеттерибиздин туруктуу келечегине салым кошуу. Кыргызстан бардык багыттар боюнча, анын ичинде гуманитардык, билим берүү, туристтик жана экономикалык чөйрөлөрдө кызматташууга ачык.
