🇰🇬 Минск шаарында Совет Союзунун Баатыры Жумаш Асаналиевдин эстелигинин жанында Улуу Ата Мекендик согуштагы Жеңиштин 80 жылдыгына жана Беларусияны бошотуу үчүн согушкан кыргызстандык жоокерлерди эскерүү митинг-реквиеми болуп өттү.
🌺 Бул иш-чара Кыргыз Республикасынын элчилиги жана Минск шаарынын Октябрь району администрациясы тарабынан уюштурулду. Ага Беларусь Тышкы иштер министрлигинин өкүлдөрү, КМШ мамлекеттеринин дипломатиялык миссияларынын башчылары жана кызматкерлери, КМШнын Аткаруу комитети жана ЕАЭБ Соту, Минск шаарында жашаган кыргызстандыктар, коомдук уюмдардын, ишканалардын жана Октябрь районунун жаштар кыймылдарынын өкүлдөрү катышты.
🎖️ Эрбол Султанбаев, Кыргызстандын элчиси, Улуу Ата Мекендик согуш учурунда немец-фашисттик баскынчыларга каршы күрөшкөн кыргызстандык жоокерлердин салымын белгилеп, согуштун оор жылдарын жана жалпы Жеңишти эстеп тургандыгы үчүн беларусь элине ыраазычылыгын билдирди.
🎵 Октябрь районунун чыгармачыл топтору ардагерлер жөнүндө ырларды окуп, согуш жылдарындагы ырларды аткарышты. Митингдин соңунда катышуучулар Жумаш Асаналиевдин эстелигине гүл коюу менен иш-чараны аякташты.
