[adrotate_integration id=”2″]
🌿 Нарын облусунда жайгашкан “Салкын-Тор” жаратылыш паркы жакында чоң реконструкциядан өтөт. Бул долбоор президент Садыр Жапаровдун тапшырмасы менен ишке ашырылып, уникалдуу жаратылыш аймагын заманбап, ыңгайлуу жана экологиялык жактан туруктуу эс алуу зонасына айландырууга багытталган.
🏞️ “Салкын-Тор” улуттук байлык болуп саналат. Долбоордун негизги максаты — жаратылыш балансын сактоо менен бирге сапаттуу экотуризм үчүн бардык шарттарды түзүү. Паркта инфраструктура жаңыланып, экологиялык A-frame үйлөр, кафе, санитардык объектилер курулуп, кирүү пункттары автоматташтырылат.
🔍 Реконструкция иштери айлана-чөйрөгө этият мамиле кылуу принциптерин сактоо менен жүргүзүлөт. Коопсуздук, жеткиликтүүлүк жана таза болуу маселелерине өзгөчө көңүл бурулат.
🛣️ Вице-премьер Камчыбек Ташиев “Салкын-Торго” баруучу жолду толугу менен асфальттоо тапшырмасын берди, жана бул иштерге даярдык башталды.
📈 Долбоордун ишке ашырылышы президенттин жеке көзөмөлүндө болуп, Нарын облусунда жана жалпы өлкөдө экотуризмди өнүктүрүүдө маанилүү кадам болуп саналат.
