🏗️ Кыргызстандын Нарын облусунда жаңы алтын казуучу фабрика ишке кирди.
💰 Солтон-Сары кенинде, тактап айтканда Бучук участкасында 22-октябрдан тарта кыргыз-кытай Zhong Ji Mining компаниясынын өндүрүштүк ишмердүүлүгү башталган.
👥 Заводдун ачылышына облус жетекчиси Алтынбек Эргешов жана China Gold компаниясынын президенти Ин Чжан Бо баш болгон жогорку даражалуу жетекчилер жана жергиликтүү тургундар катышты.
🌱 Алтын кенин эксплуатациялоо жер кыртышы бузулбастан жүргүзүлүп, жергиликтүү тургундарга жыл сайын 50 миллион сомдук социалдык пакет бериле тургандыгы боюнча келишим түзүлдү.
🏭 Эки жарым жылдын ичинде негизги объектилер, анын ичинде алтын жуугуч фабрика, административдик жана турак жай имараты, руданы кайра иштетүүчү цехтер жана лаборатория, ошондой эле башка керектүү инфраструктура элементтери курулду.
💼 Заводдо 350 адам иштейт, алардын басымдуу бөлүгүн жергиликтүү тургундар түзөт, бул аймактын экономикалык абалын жакшыртууга жардам берет.
🔗 Заводдун ишке кириши облустун экономикасына оң таасирин тийгизип, жаңы жумуш орундарын түзөөрү күтүлүүдө.
