🎉 Жерге-Тал айылында 100 орундуу жаңы бала бакча ачылды.
🏗️ Мекеменин курулушу 2022-жылы “Ассанабил” кайрымдуулук фондунун жана Нурланбек Шакиев атындагы резервдик фонддун колдоосу менен башталган.
🤝 Ачылыш учурунда Жогорку Кеңештин төрагасы жергиликтүү тургундар менен социалдык реформалардын жана жаңы мекемелердин курулушунун маанилүүлүгүн талкуулады.
🏫 Шакиев өлкөдө мектептер, бала бакчалар жана ооруканалар жигердүү курулуп жатканын, бул калктын жашоо сапатын жакшыртууга багытталганын белгиледи.
💰 Ошондой эле келерки жылдын бюджетин 705 миллиард сомго чейин көбөйтүүнү жана 600гө жакын социалдык объектилерди курууну билдирди.
🚗 Мындан тышкары, өлкөнүн мындан аркы өнүгүшү үчүн коомдо биримдик жана ынтымак болушу зарыл экендиги баса белгиленди.
📚 Нурланбек Шакиев Кыргызстандын гүлдөп өсүшү үчүн билимдин маанилүүлүгүнө токтолуп, жаңы бала бакчанын бүтүрүүчүлөрү эл аралык аренада ийгиликтерге жетишээрине ишеним билдирди.
