🌍 Уланбек Ногаев, «Элдик Банк» ачык акционердик коомунун башкармалыгынын төрагасы, Кыргызстандан жалгыз өкүл болуп, БУУнун Глобалдык келишиминин Борбордук Азиядагы директорлор кеңешине кирди.
📈 Бул окуя «Элдик Банктын» туруктуу өнүгүү принциптерин илгерилетүүдө жана Кыргызстанды регионалдык жана глобалдык ESG-күн тартибинде бекемдөөгө болгон өсүп жаткан ролун баса белгилейт.
🏢 2025-жылдын 18-июнунда Казакстандын Алматы шаарында БУУнун Глобалдык келишиминин Борбордук Азиядагы жергиликтүү кеңсесинин расмий ачылышы болуп өттү. Жаңы кеңсе аймактагы компанияларды туруктуу өнүгүү максаттарына жетүү, Борбордук Азиянын эл аралык имиджин бекемдөө, инвестициялык жагымдуулукту жогорулатуу жана туруктуу экономикалык өсүштү камсыз кылуу үчүн бириктирүүчү негизги платформага айланат.
👥 2025-жылдын 27-августунда болжол менен 100 уюмдун өкүлдөрүн чогулткан Глобалдык келишимдин Борбордук Азиядагы мүчөлөрүнүн биринчи жалпы жыйыны өттү. Жыйында акыркы үч жылдагы ишмердүүлүктүн жыйынтыгы чыгарылып, тармактын мындан аркы өнүгүүсү боюнча көз караштар сунушталды.
🗳️ Жыйындын негизги маселелеринин бири Тармактын башкаруучу органы болгон директорлор кеңешинин түзүлүшү болду. Добуш берүүнүн жыйынтыгында «Элдик Банк» ОАКнын башкармалыгынын төрагасы Уланбек Ногаев дагы кеңешке кирди.
🌐 Кеңеш стратегиялык жана көзөмөлдөөчү функцияларды аткарат: Тармактын ишинин артыкчылыктарын аныктайт, аймактык туруктуу өнүгүү күн тартибин түзөт жана эл аралык кызматташуунун багыттарын белгилейт.
