[adrotate_integration id=”2″]🏠 Кыргызстандын Мамлекеттик ипотекалык компаниясы жана Элдик Банкынын делегациясы 2025-жылдын 5-7-апрелинде Россиянын Новосибирск шаарына иш сапары менен барышты. Бул иш сапардын максаты Россияда жашаган кыргызстандыктарды турак жай менен камсыз кылууга жардам берүү болду.
📋 Делегация Сибирдик федералдык округунда жашап жана иштеп жаткан Кыргызстандын жарандарына мамлекеттик турак жай программасы «Менин үйүм» тууралуу маалымат беришти. Программанын негизги багыттары, катышуу шарттары, тандоо тартиби жана жеткиликтүү турак жай каржылоо механизмдери тууралуу кеңири түшүндүрмөлөр берилди.
👥 Иш-чаранын алкагында 500дөн ашуун кыргызстандык жарандар камтылды. Алардын катарына Новосибирск, Томск, Кемерово облустары жана Алтай крайында иштеген мекендештер кирет. Кыргызстандын жарандары ипотекалык турак жай алуу үчүн электрондук кезекке арыз тапшырып, Элдик Банктан ипотекалык топтоо эсептерин ачуу мүмкүнчүлүгүнө ээ болушту.
📈 Бул иш-чара Сибирдик федералдык округунда жашап жаткан кыргызстандыктарды Кыргызстандагы турак жай шарттарын жакшыртуу мүмкүнчүлүктөрү тууралуу маалымдоо жана мамлекеттик турак жай колдоо куралдарына жеткиликтүүлүктү кеңейтүү боюнча маанилүү кадам болду.
