🌍 Ханкенди шаарында 3-4-июлда Экономикалык кызматташтык уюмунун (ОЭС) 17-саммити өттү. Саммиттин темасы – “ОЭСтин жаңы көз карашы: ишенимдүү жана климаттык туруктуу келечек”.
🤝 Саммитке Афганистан, Азербайжан, Иран, Пакистан, Кыргызстан, Казакстан, Тажикстан, Өзбекстан, Түркия жана Түркмөнстандын мамлекет башчылары жана өкмөт өкүлдөрү катышты. Алар климаттын өзгөрүшүнө каршы чараларды талкуулашты.
🌱 Экономика илимдеринин доктору Гульназ Супаева климаттык максаттарга жетүү үчүн биргелешкен долбоорлордун маанилүүлүгүн белгиледи. Ал климаттын өзгөрүшү темасынын саммиттин күн тартибине киргизилиши жана мүчө мамлекеттердин сунуштарын талкуулоо маанилүү экенин айтты.
🔋 Энергетикалык кызматташтыкка өзгөчө көңүл бурулуп, кайра калыбына келүүчү энергиянын өнүгүшүнө жана аймактын энергетикалык коопсуздугун камсыз кылууга басым жасалды. Ошондой эле, аймактык туруктуу өнүгүү, климаттын өзгөрүшүнө каршы күрөшүү жана экологиялык туруктуулук маселелери көтөрүлдү.
⛰️ Кыргызстан климаттын өзгөрүшүнө байланыштуу эл аралык аренада өз демилгелерин активдүү сунуштап, аларды ишке ашырууга артыкчылык берет. Айрыкча, тоо экосистемаларын коргоо боюнча демилгелер эл аралык коомчулуктун колдоосуна ээ болду. Ледниктердин эришине көңүл буруунун зарылдыгы жана тоолуу мамлекеттерди колдоо маселеси көтөрүлүүдө. Экономист жашыл экономиканы өнүктүрүү жана кайра калыбына келүүчү энергия булактарын колдонуу боюнча тажрыйбаны колдонууга басым жасалганын белгиледи.
