💧 Кыргызстанда вегетация мезгилине даярдык көрүү иштери активдүү жүрүүдө.
🌾 Ош облустук суу чарба башкармалыгы сугат системаларын жакшыртуу жана суу берүү эсепке алууну так жүргүзүү максатында бир катар маанилүү иш-чараларды уюштуруп жатат.
🔧 Учурда Куршабдык эксплуатациялык гидроучастоктун кызматкерлеринен түзүлгөн үч жумушчу бригада, Ц-1, Ц-1-2 жана К-3 суу өткөргүчтөрүндөгү гидропостторду капиталдык оңдоо иштерин жүргүзүүдө.
📊 Оңдоо иштеринин негизги максаты сугат мезгилинде суунун бөлүштүрүлүшүн натыйжалуу уюштуруу жана анын сарпталышын так көзөмөлдөө болуп саналат.
🔬 Гидропосттор заманбап автоматтык ультразвуктук электрондук приборлор менен жабдылып, суу деңгээлин реалдуу убакыт режиминде аныктоого мүмкүндүк берет.
🚜 Ошондой эле, «Ош КСБ» жана «Алай-лоток» ички чарба каналдарында да оңдоо иштерин жүргүзүү пландалууда, бул фермерлерге жана айыл чарба өндүрүүчүлөргө сугат суусун жеткирүү үчүн шарттарды жакшыртат.
🌱 Иш-чаралар суу ресурстарын рационалдуу пайдаланууга жана айыл чарба өндүрүшүн колдоого багытталган.
