🌍 Оштогу “Салам, Ош-2025” туристтик фестивалынын алкагында “Көчмөндөрдүн изи менен” аттуу эл аралык форум болуп өттү.
🤝 Форумга Кыргыз Республикасынын Министрлер кабинетинин төрага орун басары Бакыт Торобаев, президенттин полпреддери, соода-өнөр жай палатасынын өкүлдөрү, БУУ жана ЕККУнун кеңсе башчылары, ошондой эле Кытай, Казакстан, Өзбекстан жана Борбор Азиянын башка өлкөлөрүнөн делегациялар катышты.
🏞 Форум учурунда Ош, Жалал-Абад, ошондой эле Өзбекстандын Навои жана Фергана облустары, Казакстандын Түркестан облусунун туристтик мүмкүнчүлүктөрү көрсөтүлдү.
📄 Иш-чаранын алкагында Ош облусу менен Өзбекстан жана Казакстандын аймактарынын ортосунда туризм тармагында кызматташуу боюнча келишимдерге кол коюлду.
🎯 Форумдун негизги максаты – аймактарга туристтик агымды көбөйтүү, эл аралык туроператорлор менен жергиликтүү коомчулуктардын ортосунда байланыштарды түзүү жана ички жана тышкы рыноктордо туристтик кызматтарды өнүктүрүү.
🗺 Катышуучулар Улуу Жибек жолунун туристтик потенциалын пайдалануу жана бул багытта кызматташуу стратегияларына арналган эки панелдик сессия өткөрүштү.
