⚡ Ош шаарындагы Кең-Сай массивинде жайгашкан «Кен-Сай» подстанциясы жакын арада ишке берилет.
🔧 Учурда курулуш иштери 95% аяктады. Ош ПЭС бузулган техникалык жабдууларды алып таштап, анын ордуна 6300 кВА кубаттуулуктагы трансформатор орнотту.
👷 Министр Таалайбек Ибраев Ош облусуна иш сапары учурунда шаар мэри Женишбек Токторбаев менен биргеликте подстанциянын абалы менен таанышкан.
🏗️ Подстанциянын курулушу Ош шаарынын мэриясы тарабынан бир нече жыл мурун башталган, бирок белгисиз себептерден улам иш токтоп калган.
🔄 Министр курулушту кайра баштап, аяктоо тууралуу чечим кабыл алып, «Ош электр тармактары» ишканасына тийиштүү тапшырмаларды берди.
🔌 Подстанция ишке берилген соң, Кең-Сай массиви жана жакынкы райондор үзгүлтүксүз электр энергиясы менен камсыздалат.
