🎉 Ош шаарында Улуу Ата Мекендик согуштун 80 жылдыгына арналган салтанаттуу иш-чара болуп өттү.
🌹 Иш-чара «Түбөлүк от» мемориалына гүл коюу менен башталып, Улуу Жеңиш үчүн жанын берген ата-бабаларыбызды эскерүүгө арналды.
👥 Борбордук аянтта өткөн майрамдык иш-чарага Ош облусундагы президенттин ыйгарым укуктуу өкүлүнүн биринчи орун басары Курбанбек Айтибаев, Ош шаарынын мэри Жеңишбек Токторбаев, Кыргыз Республикасынын коргоо министринин орун басары – Түштүк-Батыш оперативдик командачылыгынын командири, полковник Алмазбек Карасартов, Оштогу Россиянын башкы консулу Андрей Бибишев, ишканалардын жана уюмдардын жетекчилери, ардагерлер, аскер кызматкерлери, коомдук уюмдардын өкүлдөрү жана шаар тургундары катышты.
👏 Курбанбек Айтибаев облус башчысы Элчибек Жантаевдин майрамдык куттуктоосун жеткирип, согуш жана тыл ардагерлерине эрдиктери жана мекенчилдиги үчүн ыраазычылык билдирди. Алардын эрдиги жана кайратмандыгы бүгүнкү тынч жашоонун бекем пайдубалы болуп калганын белгиледи.
🎖️ Майрамдык иш-чара аскердик парад, патриоттук концерттик программа жана «Өлбөс полк» жүрүшү менен жыйынтыкталды.
📊 Ош облусунан Улуу Ата Мекендик согушка 41 567 жоокер кеткен, алардын ичинен 20 830 гана аман-эсен кайтып келген. 9 217 жоокер дайынсыз жоголуп, 14 622 согуш талаасында каза тапкан. Жеңишке тылдын эмгекчилери да баа жеткис салым кошкон. Бүгүнкү күндө ошол оор жылдарды башынан өткөргөн 184 гана адам арабызда калды.
