🎉 Кыргызстандын автомобиль транспорту жана жол чарбасынын кызматкерлерин кесиптик майрамы менен куттуктайм.
🛣️ Автожолдор – бул Кыргызстандын негизги артериялары жана улуттук экономиканын өнүгүшүнүн негизи. Жолдордун аркасында өндүрүш, соода, кызмат көрсөтүү жана башка тармактар биригип, ар тараптуу өсүүгө шарт түзүлөт.
🚗 Жолдордун абалы аймактардын динамикалык өнүгүүсү жана ички, эл аралык туризмдин кеңири жайылышы менен тыгыз байланышкан. Жол инфраструктурасы экономикалык активдүүлүктү жогорулатууга, ички жана тышкы рынокторго чыгуу мүмкүнчүлүктөрүн кеңейтүүгө өбөлгө түзөт.
🏗️ Кыргызстанда жыл сайын жолчулардын эмгеги менен миңдеген километр автожолдор курулат. 2024-жылы 802 километр жол асфальтталып, быйылкы жылы 1150 километрден ашуун жол асфальтталды.
💰 2021-жылдан ушул күнгө чейин транспорт жана жол тармагын өнүктүрүүгө 101,7 миллиард сомдон ашык каражат бөлүндү. Бул каражаттардын эсебинен акыркы беш жылда 3 048 километр автожол курулуп, анын ичинен 2 453 километр асфальт менен капталды.
🔧 Транспорт жана коммуникациялар министрлигинин ишмердүүлүгүн жогорулатуу максатында Дорожный фонддун каражаттары менен акыркы жылдары 750 атайын техника алынып, 2026-жылы дагы 484 техника сатып алуу пландалууда.
🙏 Жолдорду өнүктүрүүгө өмүрүн арнаган бардык жолчуларга жана автотранспорт тармагынын кызматкерлерине ыраазычылык билдирем. Алардын эмгеги менен өлкөбүздө 95% жүргүнчү жана 60% жүк ташылат.
🌟 Жол инфраструктурасын жакшыртуудагы эң ири жана маанилүү жетишкендиктердин бири катары бул долбоорлор ишке ашырылат. Кесиптик майрамыңыздар менен!
