🔍 Балдарга карата зомбулук деңгээли азайбай жатат.
👨👩👧👦 Замира Шерипованын айтымында, үй-бүлөдөгү шарттар зомбулук учурларына таасир этет. Толук эмес үй-бүлөлөрдө же ата-энелер ичимдикке берилип кеткен үй-бүлөлөрдө баланын психикасы эрте бузулат. Тескерисинче, сүйүү жана көңүл буруу менен өстүрүлгөн балдар өзүнө ишенимдүү жана билимдүү болуп чоңоёт.
🌐 Интернеттин жеткиликтүүлүгү балдардын башка балдарга карата зомбулук көрсөтүүсүнө себеп болушу мүмкүн. Балдар интернеттен көргөндөрүн кайталай алышат. Бул көйгөйдү чечүү үчүн ата-энелер, мектеп мугалимдери жана социалдык кызматкерлер системалуу түрдө иштеши керек.
📚 Үй-бүлөлүк мамилелер боюнча атайын сабактарды өткөрүү маанилүү. Балдар үй-бүлө жана жашоо тууралуу билим алышы керек. Зомбулук маселелери боюнча квалификациялуу психологдор жана педагогдордун катышуусу менен атайын сүйлөшүүлөр өткөрүлүшү зарыл.
🤝 Балдарды боорукерликке тарбиялоо маанилүү. Карылар үйлөрүнө же балдар үйлөрүнө саякаттар, акцияларга катышуу жакшы сабак болушу мүмкүн. Ар кандай конкурстар, табиятка чыгуулар жана таанып-билүү иш-чаралары балдардын психикасын позитивдүү жакка бурууга жардам берет.
🏡 Балдар үй-бүлөдө көргөн нерселерди үйрөнүшөт. Ошондуктан, ата-энелер тарбиялоону башка бирөөгө жүктөбөшү керек. Материалдык камсыздоо менен эле көйгөйдү чечүү мүмкүн эмес. Балдар ата-энелеринин жанында тарбияланышы абдан маанилүү.
