🇰🇬 Кыргыз Республикасынын Эмгек, социалдык камсыздоо жана миграция министри Равшанбек Сабиров Жеңиш күнүнө карата Джалал-Абад жана Ош облустарына иш сапары менен барып, Улуу Ата Мекендик согуштун ардагери Мамасали Джумаевди жана мурдагы концлагердин туткуну Валентина Симоненкону куттуктады.
👵 Валентина Симоненко Беларусияда туулган жана 1943-жылы немис баскынчылары аны Литванын Кайнядарск районундагы концлагерге алып кетишкен. 1945-жылы советтик аскерлер тарабынан бошотулуп, ошол жерде жашап калган. 1961-жылы турмушка чыгып, 1962-жылы жолдошу менен Джалал-Абад шаарына көчүп келишкен. Ал жерде 34 жыл иштеп, пенсияга чыккан.
👨👩👧👦 Мамасали Джумаев Сузак районунда туулган жана 18 жашында фронтко чакырылган. 1945-жылы Япония менен согушка жиберилип, Хабаровск, Владивосток жана Волгоград шаарларын бошотууга катышкан. Үйүнө кайтып келгенден кийин ар кандай мекемелерде иштеп, пенсияга чыккандан кийин да зоотехник жана бала бакчада чарба башчысы болуп иштеген. Анын 5 уулу, 4 кызы, 34 небереси жана 80 чөбөрөсү бар.
🎁 Жеңиш күнүнө карата Мамасали Джумаевге президенттен 100 миң сом, министрликтен 20 миң сом жана республикалык бюджеттен 20 400 сом берилди.
🙏 Равшанбек Сабиров Мамасали Джумаев жана Валентина Симоненко менен жылуу маектешип, согуш жана тынчтык мезгилдеги эрдиктери үчүн ыраазычылык билдирди.
