🇰🇬 Кыргыз-орус биргелешкен тогуз билим берүү мекемесин куруу жана ишке киргизүү боюнча республикалык штабдын жыйыны болуп өттү.
🏗️ Жыйында Кыргызстан менен Орусия өкмөттөрүнүн ортосунда түзүлгөн макулдашуунун аткарылышы талкууланды. Макулдашууга ылайык, бул мектептерде окутуу орус тилинде жүргүзүлөт.
📜 Тиешелүү мамлекеттик органдар жаңы мектептерди куруу үчүн бардык тогуз жер тилкеси боюнча документтердин толук даяр экенин билдиришти.
💰 2025-жылга карата республикалык бюджетте окуу жайлардын сырткы инженердик тармактарын курууга жана жер тилкелерин даярдоого каражат каралган.
⏰ Данияр Амангельдиев бардык пландалган иш-чараларды өз убагында жана так аткаруу зарылдыгын белгиледи. Ал мөөнөттөрдү создуктурбоо жана бюрократиялык тоскоолдуктарды жаратпоо үчүн жоопкерчиликти эскертти.
👥 Проекттин ишке ашырылышы президенттин жана министрлер кабинетинин төрагасынын өзгөчө көзөмөлүндө турат жана бул билим берүү системасын өнүктүрүүгө жана Орусия менен мамлекеттер аралык кызматташтыкты бекемдөөгө маанилүү салым катары каралат.
