[adrotate_integration id=”2″]
🇰🇬 Кыргыз Республикасынын Түркия Республикасындагы элчиси Руслан Казакбаев 2025-жылдын 31-августунда Бурса шаарында кыргызстандыктар жана Кыргызстандын Бурсадагы ардактуу консулу Билал Тутуш менен жолукту.
🎉 Казакбаев кыргызстандыктарды Кыргызстандын Эгемендүүлүк күнү менен куттуктап, Түркияда жашаган мекендештердин арасында биримдикти, өз ара түшүнүшүүнү жана жардамдашуу маанилүүлүгүн белгиледи.
💼 Элчи Кыргызстандын экономикалык өнүгүүсүн жана кыргыз элинин жыргалчылыгын жогорулатууга багытталган реформалар, коррупция менен күрөшүү жана кыргыз жарандарынын укуктарын коргоо боюнча элчиликтин ишмердүүлүгү тууралуу маалымат берди.
🕊 Ал ошондой эле заманбап кыргыз мамлекеттүүлүгүнүн негиздөөчүлөрү Абдыкерим Сыдыков, Иманалы Айдарбеков, Жусуп Абдрахманов, Абдыкадыр Орозбеков жана Ишеналы Арабаевдин өлкө өнүгүүсүнө кошкон салымдарын эскертип, президент С.Жапаровдун алардын урматына атайын жарлыкка кол койгонун белгиледи.
📜 Казакбаев Кыргызстандын 2030-жылга чейинки Улуттук өнүгүү стратегиясына жана “Улуттук рух – дүйнөлүк бийиктик” Доктринасында чагылдырылган кыргыз элинин руханий жана материалдык баалуулуктарына көңүл бурду.
🏢 Ал Бурсадагы Кыргызстандын ардактуу консулдугунун кеңсесине барып, анын ишмердүүлүгү менен таанышып, Билал Тутуш менен консулдук жана кыргыз жарандарынын ортосундагы өз ара аракеттенүү маселелерин талкуулады.
