[adrotate_integration id=”2″]
🌍 Шанхай кызматташтык уюмунун (ШКУ) мамлекет башчыларынын кеңешинин жыйынынын алдында Кытайдын Чжэнчжоу шаарында ШКУга мүчө өлкөлөрдүн медиа жана аналитикалык борборлорунун саммити башталды.
🗣️ Президент Садыр Жапаров форумдун катышуучуларына кайрылып, бул иш-чаранын маанилүүлүгүн белгиледи. Форум заманбап чакырыктарды талкуулоо, биргелешкен идеяларды иштеп чыгуу жана ШКУ өлкөлөрүнүн ортосунда өз ара түшүнүшүүнү бекемдөө үчүн аянтча болуп саналат.
🌐 Бүгүн дүйнө геосаясий туруксуздук, климаттын өзгөрүшү, маалыматтык коркунучтар жана азык-түлүк, энергетика кризистери менен күрөшүүдө. Бул шартта ШКУнун туруктуу регионалдык структура катары ролу өзгөчө маанилүү.
🤝 Кыргызстан ШКУда 2025–2026-жылдары төрагалык кылуу учурунда маалыматтык-аналитикалык өз ара аракеттенүүгө өзгөчө көңүл бурат. Медиа жана аналитикалык борборлор мамлекеттер ортосундагы көпүрө болуп саналат.
📈 Кыргызстан эл аралык медиа өнөктөштүктү өнүктүрүү, контент алмашуу, биргелешкен изилдөөлөрдү жана аналитикалык баяндама жүргүзүү, форумдарды, конференцияларды жана билим берүү программаларын өткөрүү, маданий жана илимий алмашууларды колдоо, санариптик коопсуздукту жана медиа сабаттуулукту бекемдөө, журналисттер менен эксперттердин квалификациясын жогорулатуу боюнча приоритеттерди белгиледи.
🤝 Журналисттер жана эксперттердин биргелешкен аракеттери маалымат мейкиндигинин туруктуулугун жогорулатууга, позитивдүү күн тартибин түзүүгө жана глобалдык чакырыктарга салмактуу мамиле иштеп чыгууга жардам берет.
