🇰🇬 Президент Садыр Жапаров Швейцариянын Кыргызстандагы элчиси Оливье Бангертерди дипломатиялык миссиясынын аякташына байланыштуу кабыл алды.
🤝 Садыр Жапаров элчи Оливье Бангертерге Кыргызстан менен Швейцариянын ортосундагы кызматташууну өнүктүрүүгө кошкон салымы үчүн ыраазычылык билдирди.
🌍 Элчи Бангертердин кызмат учурунда эки өлкөнүн ортосундагы өз ара аракеттердин жогорку динамикасы жетишилди. Бул аралыкта саламаттыкты сактоо, таза суу менен камсыздоо, энергетика, өзгөчө кырдаалдарга жооп кайтаруу, туризм, текстиль өнөр жайы жана жаңы конуштарга жардам көрсөтүү тармактарында долбоорлор ишке ашты.
🔗 Садыр Жапаров кыргыз-швейцариялык эки тараптуу мамилелер бардык кызыктуу багыттарда туруктуу өнүгө берет деген ишенимин билдирди.
🤝 Оливье Бангертер Кыргызстандагы дипломатиялык миссиясы учурундагы колдоо үчүн мамлекет башчысына ыраазычылык билдирип, эки өлкө ортосундагы кызматташтык бардык багыттарда кеңейет деген ишенимин билдирди.
