🇰🇬 Кыргыз Республикасынын президенти Садыр Жапаров бүгүн, 8-майда, Россиянын президенти Владимир Путиндин чакыруусу менен Москвага, Улуу Ата Мекендик согуштагы Жеңиштин 80 жылдыгына арналган майрамдык иш-чараларга катышуу үчүн келди.
🛬 Садыр Жапаровдун учагы Внуково-2 эл аралык аэропортуна конду. Аэропортто аны Россиянын тышкы иштер министринин орун басары Александр Панкин тосуп алды.
📰 Президентке 1945-жылдын 9-майында чыккан «Кызыл Кыргызстан» жана «Правда» гезиттеринин тарыхый сандарынын көчүрмөлөрү тапшырылды. Бул гезиттерде Улуу Ата Мекендик согуштун Жеңиши тууралуу алгачкы расмий билдирүүлөр жарыяланган.
🎖️ Садыр Жапаров Москвадагы Кызыл аянтта өтүүчү Жеңиш парадына чет мамлекеттердин жана өкмөттөрдүн башчылары менен бирге катышат.
🇰🇬 Кыргыз Республикасынын Куралдуу Күчтөрүнүн Улуттук гвардиясынын параддык бөлүгү да бул майрамдык иш-чарада катышат.
