📜 Президент Садыр Жапаров Кыргыз Республикасынын Президентин жана Жогорку Кеңештин депутаттарын шайлоо жөнүндө конституциялык мыйзамга өзгөртүүлөрдү киргизүү тууралуу мыйзамга кол койду.
🗳️ Мыйзамдын негизги максаты – Жогорку Кеңештин депутаттарын шайлоо процессин жакшыртуу, саясий коррупцияга каршы күрөшүү жана учурдагы шайлоо системасынын кемчиликтерин жоюу.
📍 Жаңы мыйзамга ылайык, парламенттик шайлоолор үчүн 30 көп мандаттуу аймактык шайлоо округу түзүлөт, ар бир округдан 3 депутат шайланат.
💻 Шайлоолорду өткөрүүдө аралыктан, электрондук добуш берүү мүмкүнчүлүгү каралган. Бул чечим шайлоо дайындалганда кабыл алынат.
👥 Жогорку Кеңештин депутаттыгына талапкерлерди көрсөтүү укугу саясий партияларга жана өзүн-өзү көрсөтүү жолу менен жарандарга берилет.
💰 Бюджеттик каражаттарды үнөмдөө максатында, көп мандаттуу шайлоо округдарында бош калган орундарга кайра шайлоо өткөрүлбөйт.
