[adrotate_integration id=”2″]
🇰🇬 Президент Садыр Жапаров Астанада өткөн экинчи «Борбордук Азия – Кытай» саммитине катышты.
🤝 Жапаров Кытайдын төрагасы Си Цзиньпин менен жолугушуп, кыргыз-кытай мамилелеринин учурдагы абалы жана келечеги тууралуу пикир алмашты. Жолугушуунун жыйынтыгында бир катар эки тараптуу документтерге кол коюлду.
📈 Жапаров саммитте сүйлөп, стратегиялык өнөктөштүктү тереңдетүү үчүн алты негизги багытты белгиледи: транспорт жана транзит, энергетика, финансы жана электрондук соода, билим берүү жана илим, туризм жана коопсуздук.
📜 Саммиттин жыйынтыгында мамлекет башчылары көп тараптуу документтерге, анын ичинде түбөлүк коңшулук, достук жана кызматташтык жөнүндө келишимге жана Астанадагы экинчи саммиттин декларациясына кол коюшту.
🎥 Саммиттин алкагында алты мамлекеттин башчылары жаңы кызматташтык борборлорунун ачылыш аземине видеоконференция аркылуу катышты.
✈️ Саммитти аяктап, президент Садыр Жапаров 17-июнда Бишкекке кайтып келди.
