• Кырсыктан жаракат алган ПД инспектору Элистан Арзыбековдун дарылануусун саламаттыкты сактоо министри Алымкадыр Бейшеналиев өзүнө алды.
• Саламаттыкты сактоо министрлигинин башчысы жабырлануучунун саламаттыгы боюнча кеңешмеге катышып, анын жакындары менен жолугуп, аларга толук медициналык жардам көрсөтүлөөрүнө ишендирди.
• Элистан Арзыбеков оор жаракат алып реанимацияда жатат, абалы оор деп бааланууда. Ал комада жана жасалма дем алдыруучу аппаратка туташтырылган.
• Саламаттыкты сактоо министрлиги бейтаптын абалы жакшырса, мээнин MRI диагностикасын жүргүзүү жана дарылоону тууралоо пландалып жатканын билдирди.
• Кырсык 15-августта Ысык-Көлдө Арзыбеков кызматтык милдетин аткарып жаткан учурда болгон. Аны тез жардам кызматы андан ары дарылоо үчүн Бишкекке алып кеткен.
