📈 Кыргыз Республикасынын Министрлер кабинетине караштуу Мамлекеттик салык кызматы санариптештирүүнү өнүктүрүү жана өркүндөтүү боюнча тынымсыз иштерди жүргүзүүдө.
💻 Учурда техникалык жабдууларды жаңыртуу жана жакшыртуу боюнча активдүү иштер жүрүп жатат. ИСНАК аттуу чоң система ишке киргизилгенден бери Салык төлөөчүнүн кабинети сыяктуу ири системалар ийгиликтүү иштеп жатат.
🔧 Жаңы санарип системаларын киргизүү менен техникалык ресурстарга болгон муктаждык өсүүдө. Салык кызматы бул маселени өз убагында чечүүгө жана керектүү жабдуулар менен үзгүлтүксүз камсыз кылууга чоң маани берүүдө.
🔒 Жеке адамдардын жеке маалыматтарын коргоо боюнча мыйзамдык талаптар катуу сакталат. Салык кызматынын системасы жабык режимде иштеп, коопсуздуктун жогорку стандарттарына жооп берет жана маалыматты ишенимдүү коргоону камсыз кылат.
