[adrotate_integration id=”2″]
🌆 Бишкек шаарында Ош шаарынын мэриясы менен жолугушуу болуп өттү.
🤝 Жолугушууга Бишкек шаарынын мэриясынын аппарат жетекчиси Ильяс Колопов жана Ош шаарынын мэриясынын аппарат жетекчиси Масуда Айдарбекова катышты.
🏙 Жолугушуу “АРАКЕТ” долбоорунун колдоосу менен уюштурулуп, шаардык өнүгүү жаатындагы тажрыйба алмашууга багытталган.
🌿 Тараптар шаарларды көрктөндүрүү, турак жай-коммуналдык чарбаны өнүктүрүү, санариптештирүү, муниципалдык мүлктү башкаруу, инфраструктураны модернизациялоо жана экологиялык чечимдерди киргизүү сыяктуу маселелерди талкуулашты.
🔍 Ош шаарынын өкүлдөрү Бишкектеги “Бишкектеплоэнерго”, “Бишкекводоканал”, “Тазалык”, Муниципалдык инспекция, Транспорт жана жол-транспорт инфраструктурасын өнүктүрүү департаменти, Санариптик технологиялар борбору сыяктуу мекемелердин ишин изилдеп жатышат.
🔗 Тараптар диалогду улантууга жана кызматташтыкты тереңдетүүгө даяр экендигин билдиришти, бул демилгелер адистердин кесиптик өнүгүүсүнө гана эмес, шаардык чөйрөнүн жана калктын жашоо деңгээлинин туруктуу өсүшүнө да өбөлгө түзөт.
