🌱 Кыргызстанда 2025-жылы жарандар “Социалдык контракт” программасына катышуу үчүн 8899 арыз беришти.
👩🌾 Арыздардын негизинде, аз камсыз болгон жана кедей үй-бүлөлөр менен 8087 социалдык контракт түзүлдү, анын ичинен 7126сы аялдар менен түзүлгөн.
🌾 Программага эң чоң кызыгуу айыл чарба тармагына байланыштуу болуп, 6067 долбоор ушул багытта ишке ашырылууда.
🛠 Кызмат көрсөтүү тармагында 712 долбоор, өндүрүштө 600, соодада 467 долбоор ишке ашырылууда.
👩👧👦 Министрликтин маалыматы боюнча, программага катышкан жарандардын көпчүлүгү аялдар экендиги кубанычтуу. Бул аймактардагы үй-бүлөлүк бизнес, айыл чарба жана ишкердикти өнүктүрүүдө аялдардын өсүп жаткан ролун тастыктайт.
📈 “Социалдык контракт” программасы аз камсыз болгон үй-бүлөлөргө экономикалык активдүүлүгүн стимулдаштыруу жана туруктуу киреше булактарын түзүү үчүн колдоо көрсөтүүгө багытталган. Социалдык контракт түзгөн үй-бүлөлөр өз ишин ачуу же өнүктүрүү үчүн каржылык жардам алышат, бул өзүн-өзү иш менен камсыз кылуунун өсүшүнө жана калктын жыргалчылыгын жакшыртууга өбөлгө түзөт.
