🔌 Кыргызстандын Энергетика министрлиги Сузак районунда СИП өткөргүчтөрүн орнотуу жана “акылдуу” эсептегичтерди киргизүү боюнча пилоттук программаны ишке ашырууну пландоодо.
📏 Быйыл Сузак РЭСи Джалал-Абад электр тармактары ишканасы тарабынан 41,9 км СИП аба чубалгысын орнотуу пландалууда, азыркы учурда 8,1 км СИП аба чубалгылары орнотулган.
📊 Сузак энергия сатуучу ишканасы пилоттук программа аркылуу 13 миң 656 “акылдуу” эсептегичти орнотту. Жыл аягына чейин Кара-Дарья, Кызыл-Туу, Барпы жана Бекабат айылдарында 24 миң эсептегич орнотулат.
🏗 Программанын алкагында 184 эски жыгач мамы темир-бетон мамыларга алмаштырылды. СИП өткөргүчтөрүн орнотуу жана “акылдуу” эсептегичтерди киргизүү боюнча электр тармактарын модернизациялоо иштери Благовещенка, Тош, Мундуз жана Ак-Тилек жаңы конушунда жүргүзүлдү.
⚠️ Джалал-Абад ПЭСи энергетиктер иштеп жаткан аймактарда убактылуу өчүрүүлөр болушу мүмкүн экенин эскертет.
