⚡ Кыргызстандын энергетика министри Таалайбек Ибраев CASA-1000 долбоорунун электр энергиясын Борбор Азиядан Түштүк Азияга өткөрүү боюнча жыйынга катышты.
🌍 Жыйын Тажикстандын борбору Дүйшөмбү шаарында өтүп, ага Кыргызстандын, Тажикстандын, Афганистандын жана Пакистандын энергетика министрлери жана долбоорго катышкан өлкөлөрдүн энергетикалык компанияларынын жетекчилери катышты.
🔋 CASA-1000 долбоорунун алкагында Кыргызстандын аймагында 346 мамыча жана 456 км электр өткөрүү линиялары курулуп, “Датка” көмөк чордонунда кошумча ячейка курулду.
🤝 Бул эл аралык долбоор аймактык кызматташтыктын жаңы барагын ачып, коңшулук мамилелерди бекемдөөгө, калктын жыргалчылыгын жакшыртууга, энергетикалык коопсуздукту камсыздоого жана туруктуу экономикалык өсүшкө өбөлгө түзөт.
📈 CASA-1000 долбоору 2027-жылга чейин толук ишке ашырылып, аймактагы өлкөлөр экологиялык жактан таза “жашыл” энергияга жетүү мүмкүнчүлүгүнө ээ болот.
📜 Жыйындын соңунда өкмөттөр аралык кеңештин резолюциясы кабыл алынды, анын негизги максаты CASA-1000 долбоорунун коммерциялык ишке киришин тездетүү болуп саналат.
💼 CASA-1000 долбоору электр энергиясынын жаңы экспорттук рыногун ачып, жайкы мезгилде ГЭСтен ашыкча энергияны сатууга, туруктуу валюталык киреше алууга, улуттук энергетикалык системаны модернизациялоого жана инфраструктураны өнүктүрүүгө мүмкүнчүлүк берет.
🏗️ Долбоор Баткен, Ош жана Жалал-Абад облустарынын социалдык-экономикалык өнүгүүсүнө жана жаңы жумушчу орундарын түзүүгө өбөлгө түзөт.
