Бишкекте саламаттыкты сактоо министри Алымкадыр Бейшеналиев ICIE делегациясы менен “Life Sciences Park” фармацевтикалык кластерин түзүү маселесин талкуулады. Долбоор эл аралык кызматташтыкты бекемдөөгө жана Кыргызстанда жана анын чегинен тышкары жерлерде медициналык тейлөөнүн сапатын жогорулатууга мүмкүндүк берүүчү медициналык буюмдарды жана вакциналарды өндүрүү боюнча жогорку технологиялык объектилерди курууну камтыйт.
Бишкекте бөйрөк жана боор оорулары менен ооруган бейтаптардын медициналык кызматтарга жеткиликтүүлүгүн жана жашоо сапатын жакшырта турган Трансплантация жана гемодиализ борборунун курулушуна капсула салынды. 446,6 миллион сомдук борбор толугу менен бюджеттен каржыланып, заманбап жабдуулар менен камсыздалат.
Кыргыз Республикасынын Саламаттык сактоо министри Алымкадыр Бейшеналиев Эне жана баланы коргоо улуттук борборуна барды, анда угуусу начар 50 балага кохлеардык имплантация операциясы башталган жумалык болуп өттү. Долбоорду каржылаган Катардан келген хирургдар бир гана операция жасабастан, реабилитациялоону да жүргүзүшөт. Аталган борбордо буга чейин 200дөн ашык балага операция жасалып, министр бул колдоонун жаш бейтаптардын келечеги үчүн маанисин белгиледи.
Кыргызстандын саламаттыкты сактоо министри Алымкадыр Бейшеналиев Азербайжанда өтүп жаткан Түрк мамлекеттеринин саламаттыкты сактоо министрлеринин 4-жыйынына катышууда. Ал саламаттыкты сактоо, анын ичинде санариптештирүү, медициналык туризм жана жугуштуу оорулардын алдын алуу боюнча кызматташуунун маанилүүлүгүн баса белгиледи. Иш-чаранын жүрүшүндө медициналык тейлөөнү жакшыртууга жана өлкөлөр ортосундагы трансплантацияларды координациялоого багытталган келишимдерге кол коюу пландалууда.
Жогорку Кеңештин “Ата Журт Кыргызстан” фракциясы менен “Мекенчил” тобу калктын сапаттуу дары-дармектерге жана медициналык кызматтарга жеткиликтүүлүгүн талкуулады. Саламаттыкты сактоо министри Алымкадыр Бейшеналиев депутаттардын дары-дармектердин жетишсиздиги, санариптештирүү, ооруканалардын абалы жана медициналык кадрлар менен камсыздоо боюнча суроолоруна жооп берди. Депутаттар каржылоо, Милдеттүү медициналык камсыздандыруу фондунун жоопкерчилиги жана оорулардын алдын алуу боюнча орчундуу маселелерди көтөрүштү.
Кыргызстандын саламаттыкты сактоо министри Алымкадыр Бейшеналиев россиялык кесиптештери менен саламаттыкты сактоо тармагындагы кызматташууну талкуулоо үчүн Москвага барды. Негизги көңүл дары-дармек менен камсыздоо, акушердик, гинекология жана трансплантология маселелерине бурулду. Иш сапардын маанилүү бөлүгү болуп Кыргызстанда трансплантология программаларын жакшыртууга көмөктөшүүчү Шумаков атындагы трансплантология борборунда кыргызстандык дарыгерлерди окутуу боюнча макулдашуу болду.
Бишкекте балдардын жүрөк-кан тамыр ооруларын дарылоого адистешкен жаңы балдардын кардиохирургиялык борборунун курулушуна капсула салынды. Баасы 375 миллион сомду түзгөн 75 койкалуу борбор 2025-жылдын март айында ачылып, ага операциялык бөлмөлөр, реанимация жана диагностикалык бөлүмдөр кирет.
КР Саламаттыкты сактоо министри Алымкадыр Бейшеналиев “Reatsentr Bishkek” балдардын неврологиялык реабилитациялык борборунда болуп, уюштуруучулуктун жана кесипкөйлүктүн жогорку деңгээлин белгиледи. Борбордо реабилитациялоонун инновациялык ыкмалары, анын ичинде Microcurrent Reflexology колдонулат. Реабилитациялык кызматты өнүктүрүү пландары 2024-жылдын 27-сентябрында боло турган Физиотерапевттердин жана реабилитологдордун эл аралык форумунда да талкууланды. Министр өзгөчө муктаждыгы бар балдардын жашоо сапатын жакшыртуунун маанилүүлүгүн белгиледи.
Бишкек шаардык клиникалык ооруканасында терапия болуунун курулушу учун капсула коюлду. Жаны имарат 80 миллион сомго курулуп, эл аралык стандарттагы медициналык жардам менен камсыздалат. Курулуш 2025-жылдын септябрына чейн аякталат.
Саламаттыкты сактоо министри Алымкадыр Бейшеналиев жол кырсыгына түш болуп, жабыркагандарга жардам берди. Ал кырсык болгон жерде скоранын кырсыкка кабылганын коруп, жардамга келгенин билдирди. Министр ошондой эле скоранын айдоочусунун дарылык заттын таасиринде болгондугу тууралу маалыматты четке какты.
