Балыкчы шаарынын мэри Азамат Анарбек уулу 16-апрелде Facebook'тагы "Балыкчы пресс" баракчасында түз эфир өткөрүп, шаардыктардан келген суроолорго жооп берет. Ал 2024-жылы республикалык бюджеттен бөлүнгөн 300 миллион сомдун жана быйылкы жылы министрлер кабинети тарабынан бөлүнгөн 500 миллион сомдун инфраструктуралык долбоорлорго кандайча сарптала турганын түшүндүрөт. Эфир 1,5-2 саатка созулат жана саат 11:00дө башталат.
Кыргызстанда биринчи жолу эл аралык «Интервидение» ыр сынагынын тандоо туру 23-апрелде саат 19:00дө түз эфирде өтөт. 15 аткаруучу Кыргызстандын атынан чыгуу үчүн ат салышат. Финал Москвада өтүп, жеңүүчү 300 000 евро алат.
Нарын шаарында «Мыктылар-2025» конкурсу башталды. Шаардык чөйрөнү өнүктүрүү, жакшыртуу жана көп кабаттуу үйлөрдү башкарууну жакшыртуу максатында уюштурулган бул иш-чарага ар түрдүү категориялар боюнча катышса болот. Байгелер жыл аягында тапшырылат.
30-ноябрдан 1-декабрга чейин Бишкекте армрестлинг боюнча дүйнө чемпионаты өтүп, ага 24 өлкөдөн 300дөн ашык спортчу катышат. Катышуучулар жаштар, чоңдор жана ардагерлер арасында түрдүү салмак категориялары боюнча күч сынашат. Кыргызстандын атынан 45 спортчу катышат.
Президент Садыр Жапаров Ашхабадда түркмөн акыны Магтымгулы Фрагинин 300 жылдыгына арналган эл аралык форумда сөз сүйлөдү. элдердин ортосундагы байланыштарды чыцдоодо жана тынчтыкта жанаша жашоого шыктанды-рууда анын чыгармачылыгынын маанисин баса белгиледи. Жапаров акындын патриоттук жана гуманизм жөнүндөгү идеялары актуалдуу экенин белгилеп, Түркмөнстанда Чыңгыз Айтматовдун эстелиги орнотулганына ыраазычылык билдирди. Форум өлкөлөр ортосундагы маданий кызматташтык жана тарыхый тамырларды талкуулоо аянтчасы болуп калды.
Бишкекте денесине залал келтирем деп коркутуп, жарандан 47 миң 300 доллар талап кылган шектүү кармалды. Аталган факты боюнча КР Кылмыш-жаза кодексинин 208-беренеси менен кылмыш иши козголуп, тергөө иштери уланууда.
