Бишкек, 04.09.25 /Кабар/. Ош шаарында рейддик салыктык көзөмөл учурунда Салык кызматынын кызматкерлери тарабынан мыйзамсыз кальян тамекиси табылды. Абдыкадыров көчөсүндөгү соода түйүндөрүнүн биринде акциздик маркасы жана коштоочу документтери жок 346 даана тамеки табылып, баасы 197 миң 650 сомду түздү. Продукция алынган жана тиешелүү актылар түзүлгөн. Юридикалык баа берүү үчүн материалдар укук коргоо органдарына өткөрүлүп берилет.
Биринчи орун басар Союзбек Надырбеков Нарын облусундагы маданий мекемелер менен таанышып, аймактагы маданиятты өнүктүрүү маселелерин талкуулады.
2019-жылы Нарын облусунун Ат-Башы районунда индустриалдык соода-логистикалык комплекс куруу иштери башталган. Долбоор кытайлык инвесторлор менен биргеликте ишке ашырылмак, бирок жеке кызыкчылыктарды көздөгөн адамдардын кийлигишүүсүнөн улам токтотулган. Комплекс 12,5 миң жумуш орундарын түзүп, аймактын экономикалык өнүгүүсүнө өбөлгө түзмөк.
Кыргыз улуттук филармониясы апрель айына концерттик программасын сунуштады. Иш-чаралардын катарында Султан Садыралиевдин 20 жылдык юбилейлик концерти, Ханс Циммердин чыгармалары, жана "Раймалы менен Бегимай" этно-мюзикли бар.
Ош мамлекеттик университетинде КРнын эмгек сиңирген артисти, композитор Рыспай Абдыкадыровдун музейи ачылды, анда заманбап жабдыктар менен үч тилде аудиогид көрсөтүлдү. Көргөзмөгө агайдын жеке буюмдары, сыйлыктары жана музыкалык аспаптары коюлган.
