Элчи Москвада кыргыз диаспорасы жана Аксакалдар кеңеши менен жолугушуу өткөрдү
Москвада Кыргызстандын Россия Федерациясындагы элчиси Кубанычбек Бөкөнтаевдин Кыргыз Республикасынын Эгемендүүлүгүнүн 33 жылдыгына карата кыргыз диаспорасынын өкүлдөрү менен жолугушуусу болуп өттү. Элчи өлкөнүн социалдык-экономикалык өнүгүүсүндөгү жетишкендиктерин белгилеп, чет өлкөдөгү мекендештердин укуктарын коргоонун маанилүүлүгүн белгиледи. Жолугушуунун катышуучулары Кыргызстандын өнүгүү жолун талкуулап, миграция жана консулдук маселелер боюнча суроолорду берип, диаспоранын ишин активдештирүү жагын колдоорун билдиришти.
