Бишкекте мыйзамга каршы келген балдардын укуктарына арналган тегерек стол өттү. Катышуучулар кылмыш процессинин ар кандай баскычтарында балдардын укуктарынын сакталышы жана аларды коргоо чаралары боюнча изилдөөнүн жыйынтыгын талкуулашты.
Баткен облусунда жол коопсуздугуна арналган ыкчам кеңешме болуп өттү. Жол кырсыктарынын келип чыгуу себептери, анын ичинде балдардын катышуусундагы учурлар жана алардын алдын алуу чаралары талкууланды. Маалыматтык системадагы протоколдорду туура толтурууга да көңүл бурулду. Кырсыктарга себепкер болгон факторлорду жоюу боюнча чечимдер кабыл алынды.
Бишкекте "НЕСК" ААКтын башкы директорунун орун басары коррупцияга шектелип кармалды. Милиция кызматкерлери тарабынан электр тармактарына тетиктерди сатып алууда лоббирлөө фактылары аныкталган, натыйжада 25 миллион сомдон ашык зыян келтирилген. Кылмыш иши козголуп, шектүү убактылуу кармоочу жайга киргизилип, баш коргоо чарасы камакка алынган. Ички иштер министрлиги мамлекеттик органдардагы коррупцияга каршы күрөшүн улантууда.
Ошто күчтүү таасир этүүчү дарыларды рецептсиз мыйзамсыз сатууга шектелген аял кармалды. Андан 195 миң сомдук 80 кассеталык «лирика» жана 100 бөтөлкө көзгө дары алынган. Иш-чаралар дарыканадагы баңгиликке каршы күрөшүү жана жаштарды коргоого багытталган.
