Кыргызстан менен Россиянын ортосундагы парламенттер аралык кызматташууну бекемдөө боюнча талкуулар жүрүп, миграция жаатындагы мыйзам чыгаруу демилгелери жана ЕАЭБ келишиминин шарттары талкууланды.
Бишкек шаарындагы «Учур» эл аралык мектебине барган Жогорку Кеңештин төрагасы Нурланбек Тургунбек уулу билим берүү тармагына мамлекеттин колдоосун баса белгилеп, мектепке 300 миң сомдук сертификат тапшырды.
Кыргыз мамлекеттик жаш көрүүчүлөр театры Екатеринбургда гастролдорун өткөрүп, уралдык көрүүчүлөргө «Каттар-учактар» жана Ч.Айтматовдун чыгармасынын негизиндеги «Өзүңө кел, Жоламан!» спектаклдерин тартуулайт.
Кыргызстандын эркин күрөш боюнча улуттук курама командасынын мүчөлөрү Ереванда өткөн Lyova Vardanyan 2025 эл аралык турниринде 1 алтын жана 3 коло медаль утуп алышты.
Кыргыз улуттук көркөм сүрөт музейинде 1-апрелде "Бишкекский первоапрельский конкурс-2025" көргөзмөсү ачылат. Эркин темадагы иш-чарада Кыргызстан, Казакстан, Өзбекстан жана Россиядан келген сүрөтчүлөрдүн эмгектери көрсөтүлүп, перформанстар, жандуу концерттер жана көркөм дискуссиялар өтөт. Көргөзмө 17-апрелге чейин уланат.
Адылбек Касымалиев Парк жогорку технологияларына барып, анын инфраструктурасын жана резиденттердин жетишкендиктерин баалады. Ал ПВТнин санарип экономикасын өнүктүрүүдөгү маанилүүлүгүн баса белгилеп, IT-коомчулук менен кызматташууну күчөтүү зарылдыгын айтты.
Бишкектик хореография окуу жайынын студенти Адилжан Рахманов Улан-Удэ шаарында өткөн эл аралык фестивалда классикалык бий боюнча биринчи орунду бөлүштү.
Адылбек Касымалиев жетектеген жыйында социалдык жактан аялуу катмардагы балдарды колдоо механизмдерин жакшыртуу, гендердик теңчиликти камсыздоо жана социалдык жардамды жеткирүү чаралары талкууланды.
Жогорку Кенештин Торагасы Нурланбек Тургунбек уулу Япониянын Кыргызстандагы элчиси Хидэки Года менен жолугушуп, эки өлкөнүн социалдык-экономикалык жана маданий-гуманитардык байланыштарын өнүктүрүүнү талкуулады. Япониянын элчиси кыргызстандыктар үчүн билим берүү мүмкүнчүлүктөрүн баса белгилеп, эки тараптуу кызматташууну тереңдетүү маанилүү экенин билдирди.
25-марттан баштап «AnadoluJet» авиакомпаниясы Стамбул-Бишкек-Стамбул багытындагы жаңы каттамды күн сайын эртең менен аткарат. Бул бюджеттик каттам жүргүнчүлөргө жеткиликтүү баада учуу мүмкүнчүлүгүн берет.
