Тюп айылында жаңы бала бакчанын курулушу аяктады. 275 орунга ылайыкташкан заманбап имарат 2927 чарчы метрди ээлеп, балдар үчүн бардык шарттарды камсыздайт. Курулуш республикалык бюджеттен 210 миллион сомго каржыланган.
Бишкекте 4-ноябрда 10:00дөн 22:00гө чейин ичүүчү суу берүү токтотулат. Оорукана, мектеп жана бала бакчаларга суунун жеткирилүүсү авариялык оңдоп-түзөө иштерине байланыштуу убактылуу токтойт. Жергиликтүү бийлик калкты алдын ала суу запасы менен камсыз болууга чакырууда.
Кыргызстан менен Тажикстандын чек арасын делимитациялоо алкагында Баткен районундагы Достук айылынын тургундары үчүн Жаңы Достук конушунда 181 үй курулду. Тургундар жаңы үйлөрүнө көчүп, шарттарга ыраазы. Айылда суу, жол жана социалдык объекттердин курулушу жүрүп жатат. Электр энергиясы менен камсыздоо көйгөйү жок.
Бишкек, 21.10.25 /Кабар/. Майлуу-Суу шаарындагы Көк-Ой айылындагы 20 млн сомдук бала бакча мыйзамсыз жеке менчикке өткөрүлгөнү аныкталып, кайра мамлекетке кайтарылды.
Бишкек, 20.10.25. Мамлекеттик улуттук коопсуздук комитети мыйзамсыз менчиктештирилген бала бакча жана маданият үйүн мамлекетке кайтарды. Бул объектилер 1999-жылы мыйзамсыз берилген. Эми алар Каинды шаарынын балансына өткөрүлдү.
Нарын шаарында 100 орундуу «Наристе-Нур» бала бакчасынын курулушу башталды. 108 миллион сомдук долбоор республикалык бюджеттен каржыланат, эки кабаттуу имарат заманбап жабдуулар менен камсыздалат.
Бишкекте «Восток-5» кичи районунда жайгашкан №62 «Баластан» бала бакчасы 20-октябрда ачылат. Жаңы жайгаштырылган керебеттердин аркасында 560 бала кабыл алынат. Бакча толугу менен жаңыланып, жаңы жабдуулар орнотулду.
Кара-Суу айылында жаңы бала бакча курулууда. 120 орунга ылайыкташкан объекттин аянты 1256 чарчы метрди түзөт. Тендердик баасы 79 млн сом, каржылоо республикалык бюджеттен.
Бишкектин «Калыс-Ордо» конушунда 5-октябрда 110 орундуу бала бакчанын капсуласынын салтанаттуу коюу аземи өттү. Бул иш-чарага министр Канат Сагынбаев, мэриянын жана Кувейт фондунун өкүлдөрү катышты.
Байзак айылында 94 млн сомго курулган жаңы бала бакча жакында ачылат. 1330 чарчы метрлик эки кабаттуу имарат 120 орунга ылайыкталган жана заманбап жабдуулар менен камсыздалган.
