Бишкекте Ички иштер министринин орун басары Сүйүнбек Ниязбеков менен ПРООНдун өкүлү Александра Соловьеванын жолугушуусу болду. Кыргызстандын ички иштер органдарын 2025-жылга чейин санариптештирүү маселелери талкууланды, бул кылмыштуулук менен күрөшүүнүн натыйжалуулугун жогорулатууга жана калкты тейлөөнүн сапатын жакшыртууга мүмкүндүк берет. Тараптар мындан аркы кызматташууга даяр экендиктерин ырасташты.
Италияда Кыргыз Республикасынын Улуттук инвестициялык агенттигинин директорунун орун басары менен Италиянын соода агенттигинин өкүлдөрүнүн жолугушуусу болуп, анда инвестиция жана соода тармагындагы кызматташуу маселелери талкууланды. Тараптар Кыргыз Республикасынын Президентинин иш сапарынын алкагында өтө турган бизнес-форумга карата биргелешкен аракеттерди жана даярдыктарды макулдашты.
Жаны окуу жылында 24 мин мугалим ноутбук алат. Математика, физика жана химия сабактары боюнча мугалимдерге мамлекеттик ноутбуктар берилет. Окуучулар да келечекте ноутбуктар менен камсыздалат, бул алардын салмагын женилдетет. 5-11 класстарга электрондук окуу китептери колдонулат.
